Thursday, June 12, 2008

لسه بدرى - شعر

لسه بدرى

لسه بدرى الشمس نايمه
و الهوا بارد
و الندى ساكن على الأحلام
لسه بدرى ..فى مداره
و حلمى لسه محبوس جوه داره
نغمه ثابته ع الوتر
قطره تايهه فى المطر
تروح؟
تروح ما يهمنيش
لسه بدرى كامل ما بينطفيش


الطريق ما بينتهيش
وحدى ماشى وف ايديّه
ايد غريبه
ايد رقيقه
مستحيل تكون حقيقه
ايد بتطوى
ايد بتفرد
ايد بترحل من كلام قديم و تسرد
غنوه جديده خالص
عن مدينه بعيده خالص
فيها من الحزن... الجمال
وفيها من الموت... احتمال
و الكبار بالبراءه اللى جواهم عيال


احمد نصر عجيزة - القاهرة 1992

3 comments:

r7alh said...

سلام عليكم

صباحك أبيض / عذب كقطرات الندى

قرأتك هنا بعجالة
سأعود

وأتكرر كثيرا في قديمك والجديد

فتقبل مروري

Steel BeaUtY said...

شعرك جميل يدل ع شخصية رقيقة
ميرسى كتير ع البويت وعلى البلوج هى جميلة

زوايا said...

أسعدني المرور هنا