Wednesday, June 08, 2005

بانو على أصلكو بانو - أغنية لصلاح جاهين



بانو بانو بانو
على أصلكو بانو
والساهى يبطل سهيانه

ولا غِنى ولا صيت
دولا جنس غويط
وكتاب ما يبان من عِنوانه
بانو أيوه بانو

جربنا الحلو المتعايق
أبو دم خفيف
وبقينا معاه إخـْوَه شقايق
فاكرينه شريف

أتاريه مش كده على طول الخط
الطـَبْع الردى من جواه نط
خلاص بقى مهما انشال وانحط
مافيش دمعة حزن عشانـُه

بانو أيوه بانو

بانو بانو بانو
على أصلكو بانو

وعرفنا...سيد الرجاله
عرفنا... عين الأعيان

من بره شهامه وأصالة
تشوفه تقول أعظم انسان

انما من جوه يا عينى عليه
بيّاع ويبيع حتى والديه
واهو ده اللى اتعلمنا على ايديه
القهر وقوة غليانه/هريانه


بانو بانو بانو
على أصلكو بانو


دوروا وشـُّكـُو عنى شويه
كفايانى وشوش
ده أكم من وش غدر بيه
ولا ينكسفوش
وعصير العنب العنابى العنابى
نقطه ورا نقطه يا عذابى يا عذابى
يكشف لى حبايبى واصحابى
يوحدنى وانا ف عز شبابى
القلب على الحب يشابي
والحب بعيد عن أوطانه

بانو أيوه بانو


بانو بانو بانو
على أصلكو بانو

أهو كده بانو
على أصلكو بانو

__________________

تأليف : صلاح جاهين

غناء : سعاد حسنى

من فيلم : شفيقة و متولى

6 comments:

Ahmed Nasr said...

لسماع الأغنية

عمرو said...

أغنية رائعة .. وأداء سعاد حسني ليس له مثيل
أهديها إلى الكل: حكومة ومعارضة وخلافه

raniaattia said...

اغنيه اكتلر من رائعه تتكلم عن كل شئ

raniaattia said...

نفسى اسمع الاغنيه مش عارفه خالص ولا اسمعها ولا انزلها

saaas said...

يادى النيلة يا شيخ والله انا زهئت عماله ادوار على الأغنية لما عينى طلعت هى فين

رحيل said...

رائعة فعلا زززمافي كلام أحسن ولا يعبّر أكتر من الهكلام ده..